Shkodër: Allahu përmbyt xhamitë...

Përmbytjet e mëdha që kanë përfshirë ditët e fundit disa zona në qarkun e Shkodrës, kanë prekur dhe xhaminë "e Plumbit" një ndërtesë kulti tipike e stilit turko-arab në Shqipëri.

Gjatë historisë së vet xhamia "e Plumbit" është dëmtuar disa herë nga individë të ndryshëm, në periudha të ndryshme. Në vitin 1913 ushtria e Vjenës e vazhdoi edhe më tej shkretimin e objektit, duke i hequr dhe mbetjet e fundit të plumbit në kupola.

Gjatë gjithë kësaj kohe është vërejtur dhe fundosja graduale e xhamisë, që sipas banorëve ka ardhur nga paqëndrueshmëria e shtresave të dheut në zonë me përbërje kryesisht gëlqerore. Xhamia ka pësuar përmbytje të pjesshme dhe herë të tjera.

Ajo që bie në sy në historinë e xhamisë "së Plumbit" është fakti se ka qënë një nga objektet fetare që nuk u shkatërrua nga komunistët.