SHBA: Ateistët kërkojnë heqjen e "Ditës së Lutjes"

Sipas agjencisë Associated Press, grupi më i madh i ateistëve dhe agnostikëve në Shtetet e Bashkuara, ka hedhur në gjyq presidentin Bush, guvernatorin e Viskonsinit dhe zyrtarë të tjerë amerikanë në lidhje me një ligj federal të miratuar nga qeveria amerikane për mbajtjen e Ditës Popullore të Lutjes.

Fondacioni "Liri prej fesë" e dorëzoi akuzën të premten, në një gjyq vendor, duke thënë se thirrjet e presidentit që amerikanët t'i luten "zotit" shkelin ligjin kushtetues amerikan i cili ia ndalon funksionarëve të qeverisë të mbështesin fenë.

"Dita e Lutjes", që mbahet çdo vit të enjten e parë të majit, sipas akuzës "krijon një mjedis armiqësor kundrejt mosbesimtarëve, me ç'rast ata dhe veçohen politikisht si një trup i huaj (i popullatës)".