Nigeri: Qindra të vdekur nga dhuna fetare

Disa qindra njerëz besohet se kanë vdekur si pasojë e dhunës mes grupeve fetare në Nigeri. Dhjetra kufoma, mes të cilëve dhe gra e fëmijë, u varrosën të hënën pranë qytetit Xhos.

Banorët e krishterë kanë akuzuar myslimanët se kanë rrethuar lagjet e tyre dhe kanë kryer masakër.

Sulmet duket se janë përgjigje për reprezaljet e janarit, që gjithashtu lanë qindra të vdekur.

Bashkësia ndërkombëtare ka shprehur shqetësimin për vrasjet në fjalë.