Në Jerusalem kërcet druri mes murgjve grekë e armenë

Policisë izraelite iu desh të rikthente rendin në Jerusalem, në Qytetin e Vjetër, aty ku kristianët besojnë se është kryqëzuar personazhi i mitologjisë hebraike, Jezusi, pasi mes murgjve grekë e armenë valoi druri.

Sipas burimeve të policisë, dy murgj prej secilës palë u arrestuan, teksa fansat e Krishtit shkëmbenin shkelma e grushta me njëri-tjetrin duke shkulur dhe tapicerinë dhe stolitë brenda mjedisit, të dielën.


Pamje filmike nga dashuria e ndërsjellë.

Grekët ia hodhën fajin armenëve se pse këta nuk pranojnë murgun grek në "vendin e shenjtë", ndërsa armenët ia hodhën grekëve duke thënë se ishin ata që kishin dhunuar ceremoninë tradicionale të palës armene dhe marrëveshjen mes palëve.

Grindje të tilla mes sekteve kristiane në kishën e vjetër nuk janë aspak të rralla.