Malajzi: Allah për të gjithë... kërcasin bombat

Çështja se a është "allahu" emër i përgjithshëm i arabishtes, apo emër i përveçëm i islamizmit, për "zotin", gjatë këtyre ditëve shkaktoi dhunë të ashpër fetare në shtetin e Malajzisë.

Kulmi arriti mbrëmë gjatë sulmeve me bomba mbi tre kisha në kryeqytetin Kuala-Lumpur.

Pas ndalimit të protestave, myslimanët shprehën dhe sot mllefin kundër vendimit të Gjykatës së Lartë të Malajzisë që t’i lejojë kristianëve të përdorin termin "allah".

Ata kërkojnë tërheqje të vendimit dhe këmbëngulin për të drejtë ekskluzive të myslimanëve për emrin "allah", sepse druajnë se përdorimi si emër i përgjithshëm do të sjellë konvertim të njerëzve në besime të tjera.