IRJM: Allahu dhe Muhamedi dalin në pjeshkë

Në fshatin Moranë të Shkupit, familja Ramadani ka gjetur para disa ditësh në Rosoman një kokërr pjeshke në të cilën shkruhet "All-llah" dhe "Muhammed".

Pjeshka është dërguar tek hoxha i fshatit i cili e ka konfirmuar një gjë të tillë. Pjeshkën më pas familja Ramadani e ka dërguar në Sveti-Nikollë në një fabrikë për konservim të frutave.

Pamjet e para, kur dhe është gjetur pjeshka janë bërë me celular. Pas gjashtë ditësh pjeshka është konservuar dhe objektivi i kamerës nuk mund ta kapë pasi ndodhet në ujë.

“Një plak maqedonas na e dha këtë pjeshkën dhe na menjëherë e dërguam nëpër hoxhallarë dhe vërtetuam që me të vërtet në këtë pjeshkë shkruan...emrat e shenjta të mëdhenj, All-llah dhe Muhammed”, tha Sami Emini, njëri nga personat që kanë gjetur pjeshkën.

Raste të ngjashme ka pasur edhe në vende të tjera të botës ku emri "All-llah" është paraqitur nëpër shumë objekte, si në domate, shalqi, drunj etj. Rasti i fundit në IRJ të Maqedonisë ishte ai kur një merimangë nëpërmjet rrjetës që ajo bën kishte shkruar "All-llah".