Gjermani: Ministri i Brendshëm identifikon rreth 1 mijë terroristë islamikë

“Ne kemi pothuajse 1 mijë njerëz që mund të përshkruhen si terroristë të mundshëm islamikë”, - ka deklaruar ministri i Brendshëm gjerman, Hans-Piter Fridrih për gazetën Bild duke shtuar se 128 prej tyre mund të konsiderohen si “të rrezikshëm” dhe të aftë për ndërmarrjen e sulmeve.

Sipas tij, rreth 20 prej tyre kanë stërvitje të mëparshme në kampet e grupeve terroriste dhe këta individë janë nën vëzhgim të shërbimeve të sigurisë së Gjermanisë. Megjithatë, ai vlerëson se gjasat e përsëritjes së sulmeve të përmasave të 11 shtatorit 2001, SHBA, janë të vogla.

Këto komente ministri i bëri pas nisjes javën e kaluar të procesit gjyqësor kundër një 21-vjeçari me origjinë nga Mitrovica, i cili deklaroi se kishte verpuar i vetëm nën ndikimin e propagandës islamike, kur vrau dy ushtarë të Shteteve të Bashkuara në aeroportin e Frankfurtit në Gjermani, në muajin mars.