Francë: Refuzohet shtetësia për fetarët radikalë

Qeveria franceze i ka refuzuar dhënien e shtetësisë një shtetasi të huaj, për shkak se ka detyruar gruan e tij të mbulohet kokë e këmbë sipas traditës islamike. Personi, shtetësia e të cilit nuk u bë e ditur, kërkonte shtetësi franceze për t'u vendosur në Francë pranë bashkëshortes së tij.

Ministri francez i Emigracionit, Erik Beso, e pohoi në viijim precedentin e parë për kufizimet e përfolura ditët e fundit ndaj veshjes islamike dhe detyrimit të ushtruar mbi gratë.

Komisioni i posaçëm parlamentar i ngritur për këto çështje ka rekomanduar gjithashtu se shtetësia dhe leja e qëndrimit i duhet refuzuar cilitdo që shfaq shenja të dukshme të "praktikimit radikal të fesë".