"Darvini sot", ekspozitë në Muzeun Kombëtar

Nga data 29 mars deri në 3 prill, në mjediset e Muzeut Kombëtar, në Tiranë, organizohet ekspozita "Darvini sot", një program interaktiv që heton teorinë e evolucionit dhe ndikimin që Darvini ka pasur mbi shoqërinë në tërësi.

Ekspozita organizohet nën kujdesin e Këshillit Britanik ndërsa shënon 200-vjetorin e lindjes së Darvinit dhe 150-vjetorin e botimit të veprës së tij "Prejardhja e llojeve nëpërmjet përzgjedhjes natyrore".

Disa nga tematikat e ekspozitës janë "Cili ishte Darvini", "Teoria e evolucionit, trashëgimia, variacioni, përzgjedhja", "Faktet për evolucionin në të kaluarën", "Faktet për evolucionin sot", "Si shfaqen llojet e reja", "Si zhvillohen gjenomat", etj.