Australi: Zbulohet botë e panjohur nënujore

Një botë "fantastike" nënujore është zbuluar nga një grup biologësh me ndihmën e një roboti në brigjet australiane.

Roboti, i pajisur me kamera nënujore ka pikasur specie të reja kafshësh ujore për të cilat nuk dihej asgjë më parë.

Sipas biologëve, aty ku nuk mbërrin drita jetojnë specie që njerëzimi ende nuk i njeh dhe ky është një lajm shumë i veçantë.

Zona me speciet e rralla ndodhet në jug të ishullit të Tasmanisë, rreth 3'000 metra nën sipërfaqen e ujit.

“Mes specieve që kemi zbuluar, një prej më të veçantave është merimanga detare”, thekson Thresher, drejtor për kërkimet shkencore të Komonuelthit, sipas të cilit, kjo ekspeditë është e para që studion në thellësi kaq të mëdha detare.