Athinë: Muzeu i Akropolit shkurton filmin pas protestave të Kishës Ortodokse

Muzeu i ri grek i Akropolit do të heqë disa skena nga një film i shkurtër i regjisorit, Kosta Gavra, pas protestave të Kishës Ortodokse greke, njoftoi të dielën drejtori i muzeut.

Debati mbi filmin dokumentar, që informon vizitorët mbi historinë e tempullit të shek. V p.e.s. të Parthenonit përmban disa fragmente ku ilustron kristianët e hershëm duke e shkatërruar, të cilat u bënë dhe shkak i reagimeve nga Kisha gjatë muajit qershor.

"Atë që Kisha e atëhershme bëri me tempullin, thyerjen e mermerëve, po e bëjnë edhe sot (ndaj këtij filmi)",- tha Gavra në tv privat MEGA. "Nëse ata do ta shfaqin në atë mënyrë ... atëherë emri im nuk do të jetë në film." - shtoi regjisori.

Në histori, kristianët e hershëm ishin ata që shkatërruan tempujt dhe statujat e epokës për të çrrënjosur paganizmin.

ndiq nyjen