Arabi: Një gruaje 8-vjeçare i refuzohet divorci

Riad - Një gjykatës në Arabinë Saudite ka refuzuar për të dytën herë të anulojë martesën mes një vajze 8-vjeçare dhe një burri 47-vjeçar, sipas rrjetit CNN.

Vendimi më i fundit, në të cilin gjykatësi përsëriti vendimin e tij të parë, u dha ditën e shtunë në qytetin e Onaizas, ku një vit më parë i njëjti gjykatës nuk mori parasysh kërkesën e vajzës për divorc, të paraqitur nga nëna e saj.

Sipas CNN, gjykatësi sheik Habib Al-Habib, "i qëndroi vendimit të mëparshëm dhe këmbënguli që vajza mund të bënte kërkesë vetë pasi të arrinte moshën e pubertetit". Ndërkaq nga familja bëhet me dije se nëna e vajzës do të vazhdojë të kërkojë divorc për vogëlushen.