Arabi: Ateistët shtojnë numrin në internet

Në shumë vende arabe ateizmi është i jashtëligjshëm, në disa syresh mohimi i fesë dënohet me vdekje. Mosbesimi gjithashtu nuk mund të pohohet në publik.

Por duket se interneti ka mundësuar atë që ndalojnë teokracitë, ateistët e vendeve arabe të mblidhen në një vend ku mund të shprehen të lirë.

Për këtë qëllim është hapur forumi në adresën el7ad.com (transkriptim i Ilhad, që do të thotë ateizëm) me emrin "Arab Atheists Network" (Rrjeti i Ateistëve Arabë) e që tashmë numëron 15'000 anëtarë.

Lajmi është botuar dhe në të përjavshmen gjermane "Die Zeit" ku theksohet se në diskutimet e forumit marrin pjesë dhe femrat dhe se faqja ndodhet nën sulm të vazhdueshëm informatik nga islamikët, që me shpirtin e tolerancës që i karakterizon lëshojnë sharje e kërcënime nga më të ndryshmet.